{ }
Pasgemaakte besigheidstelsels
Voorraad, kliënte, bestellings, fakture, personeel of take — een plek vir jou data, met die skerms en verslae wat jy regtig gebruik.
// systems that think
Stelsels wat jou besigheid laat werk.
We{sys} skryf pasgemaakte sagteware vir besighede — databasisse (SQL Server en Access), webtoepassings en outomatisering wat presies by jou werkswyse pas — ook vir die boubedryf. Geen los Excel-lêers en dubbele werk meer nie.
// dienste
Wat ons vir jou kan bou
Elke besigheid werk anders. In plaas daarvan om jou te dwing om by 'n generiese program aan te pas, bou ons die stelsel om jou heen.
{↻}
Access-modernisering
Werk jou besigheid nog op 'n ou Microsoft Access-databasis? Ons herstel en stabiliseer dit, of skuif dit veilig oor na 'n moderne stelsel.
{⇄}
Microsoft SQL Server (MSSQL)
Ontwerp, bestuur en koppeling van SQL Server-databasisse: tabelle, verhoudings, navrae en gestoorde prosedures, en die koppeling van jou bestaande stelsels sodat data net een keer ingesleutel word.
{▦}
Kostebestuur vir die boubedryf
Hou elke rand op die terrein dop — diesel, materiaal, bekisting (formwork), toerusting en arbeid — met maandelikse bestuursverslae en vergelykings teen die BOQ.
{⌁}
Webtoepassings
Stelsels wat in die blaaier loop — op kantoor, by die huis of op die foon — sonder om iets te installeer.
{•}
Slim outomatisering en KI
Laat die stelsel die herhalende werk doen: strokies en dokumente inlees, data sorteer, verslae opstel en jou waarsku as iets aandag nodig het.
{≡}
Databasisse en verslae
Ons ontwerp jou databasis reg van die begin af en bou die verslae wat jou help om beter besluite te neem.
{✓}
Onderhoud en ondersteuning
Jou stelsel groei saam met jou besigheid. Ons bly beskikbaar vir veranderinge, nuwe funksies en hulp.
// werkwyse
Van probleem tot werkende stelsel
'n Eenvoudige, deursigtige proses. Jy weet altyd waar die projek staan en wat dit kos.
Gesprek
Ons luister na hoe jou besigheid werk en waar dit knyp. Die eerste gesprek is gratis.
Ontleding en kwotasie
Ons skryf presies neer wat die stelsel moet doen en gee 'n vaste prys per fase.
Bou en toets
Jy sien gereeld vordering en toets saam, sodat die eindproduk werk soos jy dit nodig het.
Oorhandiging
Opleiding, dokumentasie en ondersteuning nadat die stelsel in gebruik geneem is.
// stelsels
Stelsels wat ons al gebou het
Van groot infrastruktuurprojekte tot intydse veilings — 'n paar voorbeelde van die stelsels wat ons al gebou het.
Projekkoste vir die Coega-hawe en OR Tambo
Stelsels wat al die kostes op die Coega-hawe en OR Tambo se tweede terminaal hanteer het, met maandelikse bestuursverslae en vergelykings met die BOQ.
- Diesel per voertuig en masjien
- Materiaal en bekisting (formwork)
- Werklike koste teenoor BOQ, maand vir maand
Personeel-nakoming op die terrein
Hou by wat elke persoon op 'n terrein moet hê en doen, en waarsku voordat iets verval.
- Kursusse en sertifikate
- Jaarlikse mediese ondersoeke
- Verpligte verslae per persoon en alle briefings
Intydse veilingstelsel
Aanlyn veilings waar die afslaer, kopers en verkopers intyds saamwerk, met 'n volledige adminpaneel.
- Regstreekse bod en klokveilings
- Foto's en video van lotte met die selfoon
- Fakturering, SMS-kennisgewings, tweetalig
Eiendomstelsels
Stelsels vir eiendomsagentskappe om eiendomme, agente en kliënte op een plek te bestuur.
- Eiendomslyste en besonderhede
- Kliënte en navrae
- Webwerf gekoppel aan die stelsel
Strokies-, brandstof- en bankstelsel
Hou uitgawes, brandstofstrokies en bankstate op een plek by, sodat maandeinde nie meer 'n soektog deur papier is nie.
- Strokies en notas gekoppel aan transaksies
- Brandstofverbruik per voertuig
- Verslae vir die rekenmeester
Access-dokter
Spoor korrupsie in Access-vorms en -verslae vroeg op en hou rugsteun-kiekies van elke vorm, sodat 'n beskadigde vorm herstel kan word sonder om dit oor te bou.
- Werk met Access 2007 tot 365
- Werk op 'n kopie — die oorspronklike bly veilig
- Duidelike gesondheidsverslag
// hoekom we{sys}
Gebou vir hoe jy werk
Ons is nie 'n groot agentskap nie. Jy praat direk met die persoon wat jou stelsel skryf.
Direkte kontak
Geen tussengangers of oproepsentrums nie — vrae word vinnig en persoonlik beantwoord.
Jou data bly joune
Jy besit jou data en jou stelsel. Alles word gedokumenteer, sodat jy nooit vasgevang is nie.
Afrikaans en Engels
Ons werk in albei tale, en jou stelsel kan ook tweetalig wees.
// vrae
Algemene vrae
Wat kos 'n pasgemaakte stelsel?
Dit hang af van die omvang. Na 'n gratis eerste gesprek kry jy 'n vaste kwotasie per fase, sodat jy vooraf weet wat jy betaal.
Kan julle my ou Access-databasis oorneem?
Ja. Ons kan 'n bestaande Access-program stabiliseer en herstel, of jou data veilig oorskuif na 'n moderne web- of databasisstelsel sonder om data te verloor.
Hoe lank neem dit om 'n stelsel te bou?
Klein stelsels is dikwels binne 'n paar weke gereed. Groter stelsels word in fases gelewer, sodat jy vroeg reeds iets bruikbaars het.
Werk julle met Microsoft SQL Server?
Ja. Ons ontwerp en bestuur SQL Server-databasisse, skryf navrae en gestoorde prosedures, en koppel tabelle en bestaande stelsels aan mekaar.
Bou julle stelsels vir die konstruksiebedryf?
Ja. Ons het kostestelsels gebou vir groot projekte soos die Coega-hawe en OR Tambo se tweede terminaal: diesel, materiaal en bekisting, maandelikse bestuursverslae en vergelykings met die BOQ, asook kursusse, mediese ondersoeke en briefings vir personeel op die terrein.
Werk julle in Afrikaans en Engels?
Ja, ons werk in albei tale, en die stelsel self kan ook tweetalig gebou word.
// kontak
Vertel ons van jou probleem
Beskryf kortliks wat jy wil hê die stelsel moet doen. Ons antwoord gewoonlik binne een werksdag.
E-pos ons direk:
Jou e-posprogram behoort nou oop te maak met die boodskap gereed — druk net Stuur. Maak dit nie oop nie? E-pos ons direk by info@wesys.co.za.